Хеопс пирамидасы және Ұлы Сфинкс: құпияда жасырылған сұлулық

Көбі Египетке әлемге әйгілі Хеопс пирамидасын және одан алыс емес жерде орналасқан Ұлы Сфинкс мүсінін көру үшін барады. Шынында бұл зәулім ғимараттардың жанынан жай ғана өтіп кету мүмкін емес, олардың әр бөлшегін мұқият зерттеп, жақынырақ көргіңіз келеді. Бұл мақалада Египетке жыл сайын 10 миллионға жуық шетелдік туристерді тартатын Хеопс пирамидасы мен Ұлы Сфинкстің тарихы баяндалады.

Хеопс пирамидасы – Мысырдағы ең үлкен сәулеттік құндылық. Ол «Әлемнің жеті кереметінің» бүгінгі күнге дейін жеткен жалғызы болып табылады. Бұл таңғаларлық өнер туындысына шамамен 4500 жыл болды. Англияда, Мария соборының Линкольн қаласында тұрғызылғанға дейін, Хеопс пирамидасы үш мыңжылдықта біздің планетамызда болған ең биік құрылым болды, бұл осы керемет сәулет өнерін ерекше әрі көрнекті етеді .

Тарихты білушілерді Хеопс пирамидасы қызықтыратыны сөзсіз, өйткені оның құрылысы тарихы жұмбақ, бұл туралы кейбір фактілер әлі расталмаған. Египет папирусында бұл құрылым туралы ештеңе айтылмаған, пирамиданың сипаттамалары грек тарихшысы Геродоттың жазбаларында кездеседі, ол бұл құрылым деспот-фараон Хеопс кезінде тұрғызылған, бірақ бұл пирамида Египет билеушісінің арнайы құрылымы болмады. Құрылыс жиырма жылға жуық созылды және 100 мыңнан астам құлдың көмегі арқылы тұрғызылған.

Хеопс пирамидасы көптеген құпияларды жасырады, оның әр тасының кейбір құпиялары сақталады. Монолитті әктас тастан қашалған Ұлы Сфинкстің мүсіні де жұмбақ болып қала бермек. Бұл жерде жатқан адамның бет-әлпеті алып арыстанды бейнелейді. Ішінара қирау салдарынан өзінің сән-салтанатын жоғалтпай, әлі күнге дейін сақталған, таңғажайып құрылым. Бірақ мүсінге, ені 1,5 метрге жететін мұрны жетіспейді.

Ұзақ уақыт бойы құмдар бұл мүсінді адам көзінен мүлдем жасырып келген. Ежелгі гректер мен римдіктер мүсінді нығайтуға тырысқан. 1925 жылы Сфинкс мүсіні, жылдар бойына жиналған құмнан толығымен тазартылды. 2014 жылы мүсін 4 айға созылған қалпына келтіруден өтті. Осыдан кейін Сфинкс қайтадан туристерді қабылдауға дайын болды.

Мүсіннің салынуының себептері мен басталу күні осы күнге дейін жұмбақ болып қала береді, бірақ бұл оқиғаға қатысты көптеген теориялар бар. Ғалымдар Ұлы Сфинкс туралы, оны салушы және тапсырыс беруші туралы әр түрлі пікірлер айтады, бірақ көптеген болжамдарда шындықтың дәндері де жоқ, сондықтан мүсін туралы аз мәлімет бар деп айту әділетті. Бұл Египеттің архитектуралық ескерткішінің сырын одан да  жасырын етіп көрсетеді, сондықтан туристер үшін бұл жер тартымды болып қала бермек.

Хеопс пирамидасы және Үлкен Сфинкс  –  Египеттің басты көрікті жерлері. Бұл құрылымдар шынымен де керемет.Оларды бір рет көрген адам, бұл елге оралып, ежелгі Египет сәулет өнері ескерткіштерін қайтадан көргісі келетіні сөзсіз.

Жалғас Асамбай